Kuchh khutoot ke raakh 

Kuchh lafzon ki qurbani 

Ik be-purdah maazi 

Poshaak-e-azaadi mein

 

​

Kuchh be-bas khwahishein 

Kuchh ikhtiyaar-e-zameer 

Guzri ik umr 

Dil ki ana-e-makhfi mein

 

​

Kuchh zaheenon ki bazm 

Kuchh fankaaron ki ham-kalaami 

Ik rumuuz-e-zaum 

Zabaan-e-ghair ki rawaani mein

 

​

Kuchh tahaffuz ke mahkoom 

Kuchh sarkash o inqilaabi 

Qafas naseeb the sab

Taameer-e-zaat ki bezaari mein